Azərbaycanın Baş naziri Əli Əsədov dekabrın 5-də İqtisadi Əməkdaşlıq və İnkişaf Təşkilatının (İƏİT) dövlət mülkiyyəti və özəlləşdirmə üzrə İşçi Qrupunun sədri, Birləşmiş Krallığın dövlət investisiyaları üzrə qurumunun baş icraçı direktoru Çarlz Donaldın rəhbərlik etdiyi nümayəndə heyəti ilə görüşüb.

Bu barədə "Sizinxeber.az"a Nazirlər Kabinetindən məlumat verilib.

Bildirilib ki, görüşdə Azərbaycan ilə İƏİT arasında əməkdaşlığın səviyyəsindən məmnunluq ifadə olunub. Birgə həyata keçirilən layihələr, o cümlədən Azərbaycan İnvestisiya Holdinqinin portfel şirkətlərində korporativ idarəetmənin qiymətləndirilməsi layihəsinin nəticələri nəzərdən keçirilib.

Həmçinin, Azərbaycan və İƏİT arasında əməkdaşlığın qarşılıqlı maraq doğuran istiqamətlər üzrə inkişaf etdirilməsi ilə bağlı məsələlər müzakirə olunub.

Oxşar xəbərlər

Azərbaycanla İƏİT əməkdaşlığın yeni istiqamətlərdə inkişafını müzakirə edib

Azərbaycan ilə UNICEF arasında qarşılıqlı maraq doğuran sahələrdə əməkdaşlıq müzakirə olunub

Azərbaycan və Misir Baş nazirlərinin görüşü olub

Azərbaycanın Baş naziri ÜST-ün Avropa üzrə regional direktoru ilə görüşüb