Baş nazir Əli Əsədov Türkiyənin vitse-prezidenti Cevdet Yılmaza Respublika Günü münasibətilə təbrik məktubu göndərib.

Bu barədə "Report"a Nazirlər Kabinetindən məlumat verilib.

Bildirilib ki, məktubda Türkiyənin gündən-günə güclənən, sürətlə inkişaf edən, beynəlxalq aləmdə söz sahibi olan ən qüdrətli ölkələrdən birinə çevrildiyi qeyd olunub, qardaş ölkə olaraq Azərbaycanın Türkiyənin qazandığı uğurlara, onun dünyada artan nüfuzuna sevindiyi və bundan qürur duyduğu vurğulanıb.

Qeyd edilib ki, Azərbaycan xalqının Ümummilli Lideri Heydər Əliyevin “Bir millət, iki dövlət” kəlamı iki ölkənin xalqının qardaşlığını, birliyini, həmrəyliyini ifadə etməklə yanaşı, ikitərəfli münasibətlərimizin əsl mahiyyətini əks etdirir.

Dövlət başçıları İlham Əliyevin və Rəcəb Tayyib Ərdoğanın birgə səyləri nəticəsində Azərbaycan və Türkiyənin bu gün dünya miqyasında bir-birinə ən yaxın olan ölkələr olduğu vurğulanıb.

Şuşa Bəyannaməsi ilə müttəfiqlik zirvəsinə ucalmış Azərbaycan-Türkiyə münasibətlərinin bundan sonra da yüksələn xətlə və uğurla inkişaf edəcəyinə əminlik ifadə olunub.

Oxşar xəbərlər

Əli Əsədov Türkiyənin vitse-prezidentinə başsağlığı verib

Baş nazir Əli Əsədov İranın yeni təyin olunmuş Birinci vitse-prezidentini təbrik edib

Prezident İlham Əliyev Rəcəb Tayyib Ərdoğana təbrik məktubu göndərib

Türkiyə lideri: Seçkilərin nəticələrinin qardaş Azərbaycan xalqının rifahına xidmət edəcəyinə ümidvaram

Əli Əsədov: Azərbaycan İranla münasibətlərə böyük əhəmiyyət verir