BMT-nin Cenevrədəki mənzil-qərargahında Bakı Təşəbbüs Qrupunun (BTQ) təşkilatçılığı ilə beynəlxalq konfrans keçirilib.

"Sizinxeber.az" bu barədə BTQ-nin sosial şəbəkələrdəki paylaşımlarına istinadən xəbər verir.

Bildirilib ki, tədbir dünyanın hər yerindən parlamentariləri, ekspertləri, siyasətçiləri və müstəqil xadimləri bir araya gətirərək Fransa və Niderlandın müstəmləkəçilik irsinin müzakirəsi üçün mühüm platformaya çevrilib. Müzakirələrdə əsas diqqət “Mülki və siyasi hüquqlar haqqında" Beynəlxalq Pakt kontekstində ədalət, məsuliyyət və öz müqəddəratını təyinetmə məsələlərinə yönəldilib. Konfrans iştirakçıları müstəmləkəçilik dövründən miras qalmış problemlərin həlli yollarını axtarıblar.

Konfransın iştirakçıları arasında Qvadelupa, Korsika, Martinik, Yeni Kaledoniya, Fransız Qvianası, Qəmər Adaları İttifaqı, Fransız Polineziyası, Sent-Martin, Bonayre nümayəndələri də olub. Tədbirə Rusiya, İsveçrə və Qazaxıstanın diplomatik nümayəndə heyətləri də maraq göstərib.
Konfrans keçmiş müstəmləkələr üçün müstəmləkə keçmişini yenidən qiymətləndirmək və daha ədalətli gələcək qurmaq üçün yollar tapmaqda mühüm addım oldu. İştirakçılar belə görüşlərin mütəmadi olaraq keçiriləcəyinə və yığılan problemlərin həllinə kömək edəcəyinə ümidvar olduqlarını bildiriblər.

Bu arada BMT-nin Cenevrədəki ofisinin yaxınlığında Bakı Təşəbbüs Qrupunun təşkilatçılığı ilə Fransa və Niderland müstəmləkələrindəki müstəqillik hərəkatlarının nümayəndələrinin dinc nümayişi keçirilib.

Oxşar xəbərlər

BTQ Cenevrədə Fransanın müstəmləkəçilik siyasətinin ifşasına həsr olunan konfrans keçirəcək

BTQ müstəmləkəçilikdən əziyyət çəkən bütün xalqlara dəstək göstərəcək

Tohiri Mohammed: Fransa beynəlxalq hüquqa qarşı çıxaraq öz işğal siyasətini davam etdirir