AMEA Arxeologiya və Antropologiya İnstitutu Türkiyənin İğdır vilayəti ərazisində türkiyəli mütəxəssislərin iştirakı ilə arxeoloji kəşfiyyat işləri aparıblar.

Bu barədə "Report"a AMEA Arxeologiya və Antropologiya İnstitutunun İctimaiyyətlə əlaqələr şöbəsindən bildirilib.

Arxeoloji kəşfiyyat işlərinə İnstitutun tarix üzrə fəlsəfə doktorları, rəhbər M.M.Hüseynov olmaqla, üzvlər S.H.Aşurov və B.M.Cəlilovun təmsil olunduğu elmi heyət qatılıb.

Bu, Azərbaycan arxeoloqlarının digər ölkə ərazisinə təşkil edilmiş ilk arxeoloji ekspedisiyası olmaqla yanaşı, həm də Azərbaycan və Türkiyə arasında yeni bir ortaq araşdırma istiqamətidir.

Beş il üçün nəzərdə tutulmuş layihənin ilk ilinin kəşfiyyat xarakterli araşdırmalarının nəticələri Şərqi Anadolu – Azərbaycan arxeologiyasının problem məsələlərinin işıqlandırılmasında olduqca əhəmiyyətlidir. Qısa müddət ərzində son xalkolit-erkən tunc və orta tunc dövrlərinə aid yaşayış yerləri, bir şəhər yeri, bir qala və çoxsaylı kurqanlar qeydə alınıb, yerüstü materiallar toplanılıb və onlardan ən mühümləri İğdır muzeyinə təhvil verilib. İlk dəfə qeydə alınan abidələr Azərbaycan və xüsusən, Naxçıvan abidələri ilə sıx bağlıdır və gələcək araşdırmaların daha maraqlı kəşflərlə ortaq tariximizə töhfə verəcək. Yeni qeydə alınmış abidələrdən birində növbəti illərdə Azərbaycan arxeoloqlarının rəhbərliyi ilə geniş arxeoloji qazıntıların aparılması planlaşdırılır.

Oxşar xəbərlər

Xaraba Gilan şəhər yerində xilasetmə-tədqiqat işlərinə baxış keçirilib [xfgiven_updateblue][/xfgiven_updateblue]

Şəhri-Gürganda XIX əsrə aid iki batmış gəminin qalıqları tapılıb [xfgiven_updateblue][/xfgiven_updateblue]

Naftalanda tarixi abidə qalıqları aşkarlanıb [xfgiven_updateblue][/xfgiven_updateblue]

Şuşada I beynəlxalq tədqiqat və arxeologiya toplantısı keçirilir [xfgiven_updateblue][/xfgiven_updateblue]

Cəlilabadda dəmir dövrünə aid məişət əşyaları aşkarlanıb [xfgiven_updateblue][/xfgiven_updateblue]