Azərbaycanın Minskdəki səfiri Məhərrəm Əliyev Belarusun xarici işlər naziri Maksim Rıjenkov ilə görüşüb.

"Report" xəbər verir ki, bu barədə Belarus Xarici İşlər Nazirliyi (XİN) məlumat yayıb.

“Tərəflər bu ilin oktyabr-noyabr aylarında ən yüksək səviyyələrdə növbəti ikitərəfli təmaslara hazırlıq məsələlərini müzakirə ediblər”, - məlumatda bildirilib.

Bundan əlavə, görüşdə strateji ticari-iqtisadi razılaşmaların həyata keçirilməsi və regional əlaqələrin inkişafı vurğulanmaqla Belarus-Azərbaycan arasında olan bir çox məsələlər müzakirə edilib.

M.Rıjenkov və M.Əliyev xarici siyasət idarələri vasitəsilə birgə fəaliyyətlərin sıx əlaqələndirilməsini davam etdirmək barədə razılığa gəliblər.

Oxşar xəbərlər

Azərbaycan və Belarus XİN-ləri arasında regional təhlükəsizlik məsələləri müzakirə edilib

Azərbaycan səfiri belaruslu nazir müavini ilə əməkdaşlığın inkişafını müzakirə edib

Ceyhun Bayramov qazaxıstanlı həmkarı ilə regional məsələləri müzakirə edib - YENİLƏNİB