Azərbaycanın xarici işlər naziri Ceyhun Bayramov Ukraynanın yeni təyin olunmuş xarici işlər naziri Andrey Sibiqa ilə telefon danışığı zamanı iki ölkə arasındakı mövcud əməkdaşlıq gündəliyini, habelə regional və beynəlxalq təhlükəsizlik məsələlərini müzakirə edib.

"Sizinxeber.az" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, Ceyhun Bayramov həmkarını Ukraynanın xarici işlər naziri vəzifəsinə təyin edilməsi münasibətilə təbrik edərək ona fəaliyyətində uğurlar arzu edib.

Həmçinin iki ölkə arasında qarşılıqlı hörmət və dəstək, habelə beynəlxalq hüququn norma və prinsiplərinə əsaslanan əməkdaşlığın məmnunluq doğurduğu ifadə edilib.

Ukrayna XİN başçısı Azərbaycan və Ukrayna arasında mövcud əməkdaşlığın bundan sonra da gücləndirilməsinə dair ümidvar olduğunu bildirib.

Telefon danışığı zamanı Ukrayna ətrafında yaranmış təhlükəsizlik vəziyyəti ilə bağlı Azərbaycan tərəfindən göstərilən humanitar yardımlar, xüsusilə İrpen şəhərində infrastrukturun bərpa və yenidənqurmasına, habelə minatəmizləmə fəaliyyətinə göstərilən dəstək minnətdarlıqla xatırlanıb.

Azərbaycan xarici işlər naziri Ceyhun Bayramov ukraynalı həmkarı Andrey Sibiqa ilə telefon danışığı zamanı ikitərəfli və çoxtərəfli məsələləri müzakirə edib.

"Sizinxeber.az" xəbər verir ki, bu barədə Ukrayna XİN başçısı "X"də yazıb.

"Biz qarşılıqlı şəkildə ölkələrimizin suverenliyi və ərazi bütövlüyünə hörmətimizi bir daha ifadə etdik. Ümid edirəm ki, əməkdaşlığımız xalqlarımız arasındakı dostluq əlaqələrini əks etdirəcək",-o əlavə edib.

Spoke with Azerbaijan’s Foreign Minister @Bayramov_Jeyhun about bilateral and multilateral issues, as well as shared challenges. We reaffirmed our mutual respect for sovereignty and territorial integrity. I expect our cooperation to reflect the friendly ties between our peoples.

— Andrii Sybiha (@andrii_sybiha) September 10, 2024

Oxşar xəbərlər

Ceyhun Bayramov Ukraynanın yeni XİN rəhbəri ilə telefon danışığı aparıb - YENİLƏNİB

Ceyhun Bayramov yeni iranlı həmkarı ilə regional məsələləri müzakirə edib

Ceyhun Bayramov və Sergey Lavrov regional vəziyyəti müzakirə ediblər

Ceyhun Bayramov BƏƏ-nin xarici işlər naziri ilə regional məsələləri müzakirə edib

Azərbaycan və Monteneqro XİN başçıları regional məsələləri müzakirə ediblər