Ermənistanın baş naziri Nikol Paşinyan İstanbuldakı Göy Məscidi (Sultan Əhməd Məscidi) ziyarət edib.

“Report” xəbər verir ki, bu barədə o, sosial şəbəkə hesablarında paylaşım edib.

“İstanbuldakı Göy Məscidi ziyarət etdim”, - o yazıb.

Qeyd edək ki, bu gün Ermənistanın baş naziri Nikol Paşinyan Türkiyə Prezidenti Rəcəb Tayyib Ərdoğanın dəvəti ilə bu ölkəyə ilk işgüzar səfərə gedib.

Paşinyanı səfərdə XİN rəhbəri Ararat Mirzoyan, XİN rəhbərinin müavini Vahan Kostanyan, parlamentin vitse-spikeri, Türkiyə ilə münasibətlərin normallaşması prosesində Ermənistanın xüsusi nümayəndəsi Ruben Rubinyan müşayiət edir.

Məlumata əsasən, bu gün İstanbulda Nikol Paşinyanla Rəcəb Tayyib Ərdoğan arasında görüş planlaşdırılır.

Oxşar xəbərlər

Rəcəb Tayyib Ərdoğanın ABŞ-də Nikol Paşinyanla görüşü planlaşdırılır

Paşinyan Ərdoğanı Ermənistana dəvət etmək niyyətində olduğunu bildirib

Paşinyan Türkiyədə işgüzar səfərdədir

Nikol Paşinyan Gürcüstana işgüzar səfərə gedib