Azərbaycan Respublikası Milli Olimpiya Komitəsinin (MOK) Prezidenti İlham Əliyev “Fransanın Paris şəhərində keçirilən XXXIII Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında” Sərəncam imzalayıb.

Sizinxeber.az xəbər verir ki, Sərəncama əsasən, XXXIII Yay Olimpiya Oyunlarında ən yüksək nəticələrə görə Azərbaycan Respublikasının idmançıları və onların məşqçiləri üçün mükafatların məbləği aşağıdakı qaydada müəyyən edilib:

birinci yeri tutan hər bir idmançıya 200 000 manat, onun məşqçisinə 100 000 manat;

ikinci yeri tutan hər bir idmançıya 100 000 manat, onun məşqçisinə 50 000 manat;

üçüncü yeri tutan hər bir idmançıya 50 000 manat, onun məşqçisinə 25 000 manat;

Komandanın baş məşqçisi - idman növü üzrə ən yüksək nəticə göstərmiş idmançıya görə şəxsi məşqçinin aldığı məbləğ qədər (bir dəfə).

Azərbaycan Respublikası Milli Olimpiya Komitəsinin maliyyə idarəsinə sərəncamdan irəli gələn məsələləri həll etmək tapşırılıb.

Oxşar xəbərlər

Prezident İlham Əliyev Olimpiada medalçılarını mükafatlandırıb

MOK Prezidenti Paris olimpiadasının qaliblərini mükafatlandırıb

Prezident XXXIII Yay Olimpiya Oyunlarında yüksək nəticə göstərən idmançılar və onların məşqçilərini mükafatlandırıb

FHN-in İdman-sağlamlıq klubunun üzvü Olimpiya Oyunlarının mükafatçısı olub

Olimpiya Oyunlarında ölkəmizi təmsil edən Azərbaycan yığması vətənə dönüb - FOTOLENT