Milli Məclis Azərbaycanla Moldova arasında məxfi məlumat mübadiləsinə dair sazişi təsdiq edib.

Sizinxeber.Az xəbər verir ki, bununla bağlı parlamentin bugünkü plenar iclasında müvafiq sənəd müzakirə olunub.

Bildirilib ki, saziş bu il sentyabrın 19-da Bakıda imzalanıb. Saziş 16 fəsildən ibarətdir.

Müzakirələrdən sonra "Azərbaycan Respublikası Hökuməti ilə Moldova Respublikası Hökuməti arasında məxfi məlumatların mübadiləsi və qarşılıqlı mühafizəsi haqqında Saziş"in təsdiqi barədə qanun layihəsi səsə qoyulub və bir oxunuşda qəbul edilib.

Sazişdə əsas anlayışlar, əməliyyat orqanları, məhdud məlumatların dövriyyəsi, buraxılışların verilməsi və ləğv edilməsi, sənədlərin məxfiliyi, qarşılıqlı imzalanma qaydaları və bu proseslərin necə aparılması öz əksini tapıb.

Saziş iki dövlət arasında informasiya təhlükəsizliyi, qarşılıqlı idarəetmə və müdafiə sahəsində əməkdaşlığı nəzərdə tutur və etibarlılığı əsas prinsip kimi müəyyən edir.

Transmissiya zamanı məlumatların dəyişdirilməsi, kibertəhlükələr və digər proseslər zamanı ölkələr arasında informasiya mübadiləsinin yalnız etibarlı şəraitdə və qarşılıqlı razılıq əsasında aparılması tələb olunur.

Bu saziş ölkələrimiz arasında ötürülən məlumatların məxfiliyini, bütövlüyünü və mühafizəsini təmin edir.

Oxşar xəbərlər

MM Azərbaycanla Moldova arasında readmissiya haqqında sazişi ratifikasiya edib

Azərbaycanla Moldova arasında readmissiya haqqında saziş təsdiqlənib

Azərbaycanla Türkiyə arasında gəlirlərə görə ikiqat vergitutmanın ləğvinə dair saziş ratifikasiya olunub

Azərbaycanla Moldova arasında readmissiya haqqında Saziş Milli Məclisə daxil olub

Milli Məclis Azərbaycanla Albaniya arasında viza tələbinin ləğvinə razılıq verib