Əlacım olsaydı, Ağdamın hər yerini ayaqyalın gəzərdim. Amma canım tab gətirmir.

“Report” xəbər verir ki, bunu jurnalistlərə Ağdam rayonunun Sarıcalı kənd sakini, 77 yaşlı Şəhla Əliyeva deyib.

O, bildirib ki, yurduna qayıdacağı günü səbirsizliklə gözləyib.

“Ağdamı tərk edəndə 46 yaşım vardı. Həyat yoldaşım dünyasını dəyişmişdi. Doğma yurdumu beş övladımla tərk etdim. Təki salamatlıq olsun. Allah gənclərimizi qorusun.

Ağdamın hər yeri doğmadır. Hər kənddə qohumum, yaxınım var. İndi Ağdama nəvə-nəticələrimlə qayıdıram”, - Ş.Əliyeva deyib.

Qeyd edək ki, Ağdam rayonunun Sarıcalı kəndinə növbəti köç karvanı yola salınıb. Sarıcalı kəndinə daha 28 ailə qayıdıb. Beləliklə, bugünkü köç də nəzərə alınmaqla Sarıcalı kəndinə köçürülən ailələrin ümumi sayı 37-yə (146 nəfər) çatıb.

Oxşar xəbərlər

Ağdamın Sarıcalı kəndinə növbəti köç karvanı yola salınıb

Ağdamın Sarıcalı kəndinə növbəti köç yola salınır

Birinci mərhələdə Sarıcalı kəndinə 895 nəfərin köçürülməsi planlaşdırılır

Prezident İlham Əliyevin sosial şəbəkə hesablarında Sarıcalı kəndinə səfərdən görüntülər paylaşılıb

Keçmiş məcburi köçkün: “Artıq həsrət başa çatıb”