Keçən il Azərbaycanda qeydə alınan cinayətlər azalıb.

"Sizinxeber.az" xəbər verir ki, bunu Baş prokuror Kamran Əliyev qurumun geniş kollegiya iclasında çıxışı zamanı deyib.

Baş prokuror bildirib ki, ötən il 2023-cü illə müqayisədə 3 min 432 (9,3%) fakt cinayət az qeydə alınıb.

Həmçinin, əlavə edilib ki, keçən il ölkə ərazisində 33 min 379 cinayət qeydə alınmaqla onların 87,6 faizinin açılması təmin edilib, ümumilikdə ölkə üzrə cəmi 17 min 155 cinayət işinin istintaqı tamamlanıb ki, bunlardan 1 086-sı prokurorluq orqanlarında istintaq edilib.

Bu müddət ərzində prokurorluq orqanları tərəfindən 928 şəxs barəsində 735 cinayət işi, ümumilikdə isə digər istintaq qurumları ilə birgə 14 min 983 şəxs barəsində 13 min 551 cinayət işinin ibtidai istintaqı yekunlaşdırılaraq baxılması üçün məhkəmələrə göndərilib.

Oxşar xəbərlər

Baş prokuror: 2024-cü ildə ölkə üzrə qeydə alınan cinayətlər azalıb

Ötən il Bakıda baş verən cinayətlərin 88,8 %-nin açılıb

Bir ildə korrupsiya ilə bağlı 158 cinayət işi məhkəmələrə göndərilib

Ötən il korrupsiya ilə bağlı 43 şəxs cinayət başında yaxalanıb

Kamran Əliyev: Keçən il 33,4 milyon manatdan artıq məbləğdə əmlak üzərinə həbs qoyulub