Dünən 16 seçki məntəqəsində seçki prosesini izləmişik. Seçkiyə nəzarət edənlərin öz işlərini dəqiqliklə apardığını gördük.

"Sizinxeber.az" xəbər verir ki, bunu İslam Əməkdaşlıq Təşkilatının (İƏT) Parlament İttifaqının baş katibinin müavini Məhəmməd Sicani Əli Əsgər deyib.

Onun sözlərinə görə, seçki məntəqəsinin sədri, həmçinin digər müşahidəçi və nəzarətçilərlə görüş zamanı seçkiyə nəzarət edənlərin öz işlərini dəqiqliklə apardığını müşahidə ediblər:

"Səsvermə çox gizli və səliqəli şəkildə baş verdi. Azərbaycan xalqını bu demokratik uğur üçün təbrik edirəm".