Zafer Küçükşabanoğlu: Süni intellektdən yararlanmayan insanlar uğursuz olacaqlar

2030-cu ildən sonra süni intellektdən yararlanmayan insanlar karyeralarında uğursuz olacaqlar.

“Sizinxeber.az” xəbər verir ki, bu barədə Süni İntellekt Siyasətləri Assosiasiyasının təsisçisi və sədri Zafer Küçükşabanoğlu Azərbaycan milli mətbuatının 150 illiyi münasibətilə keçirilən xarici, Azərbaycan və Türkiyə jurnalistlərinin görüşündə danışıb.

Onun sözlərinə görə, dünya artıq texnofeodalizm dövrünə keçib: 

"Bunu ABŞ Prezidenti Donald Trampın texnologiya nəhənglərini diplomatiyanın bir parçası kimi istifadə etməsi də göstərir. Bu texnoloji yenilikləri Azərbaycan və Türkiyə də diqqətdə saxlamalıdır. Çünki 2030-cu ildən sonra süni intellektdən yararlanmayan insanlar karyeralarında çox uğursuz olacaqlar. Çünki bu tibdən hüquqa, iqlim dəyişikliyindən mediaya qədər bütün sahələri əhatə edəcək”.