Xankəndidə iyulun 19-21-də keçirilən III Şuşa Qlobal Media Forumunun təşkilində iştirak edən bir qrup “MEDİA Könüllü”sü təşəkkürnaməyə layiq görülüb.

"Report" xəbər verir ki, bu barədə Medianın İnkişafı Agentliyi (MEDİA) məlumat yayıb.

Vurğulanıb ki, təşəkkürnamələri MEDİA-nın İcraçı direktoru Əhməd İsmayılov təqdim edib. O, könüllülərin beynəlxalq tədbirin uğurla keçirilməsində göstərdikləri əzmkarlıq, peşəkarlıq və məsuliyyətli yanaşmanı yüksək qiymətləndirdiyini bildirib.

Qeyd edək ki, 52 ölkədən 140-a yaxın xarici qonaq, o cümlədən 30-dan çox informasiya agentliyi, 7 beynəlxalq təşkilat və 80-ə yaxın media qurumu, həmçinin sahə üzrə əlaqəli digər təşkilatlardan nümayəndələrin iştirak etdiyi III Şuşa Qlobal Media Forumunda iştirakçılar üçün müxtəlif beynəlxalq layihələrin təqdimatı, sərgilər, mədəni tədbirlər baş tutub, çoxsaylı əməkdaşlıq müqavilələri imzalanıb.

Oxşar xəbərlər

Bu gün 3-cü Şuşa Qlobal Media Forumu işə başlayır

İkinci Şuşa Qlobal Media Forumunun iştirakçılarının şərəfinə ziyafət verilib

3-cü Şuşa Qlobal Media Forumu işinə davam edir

III Şuşa Qlobal Media Forumunun üçüncü günü başlayıb - FOTO

II Şuşa Qlobal Media Forumunun xarici qonaqları Füzulidəki dağıntılarla tanış olub