2024-cü ildə Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin əməliyyat mənfəəti 9,9 milyon manat, xalis mənfəəti isə 4,5 milyon manat təşkil edib. 

Bu barədə "Report"un sorğusuna cavab olaraq şirkətdən bildirilib.

Məlumata görə, bunlar, 2023-cü illə müqayisədə müvafiq olaraq 14 % və 2,2 % azdır.

Bu il yanvarın 1-nə “Azərpoçt”un aktivləri 586,2 milyon manat olub ki, bu da 1 il əvvələ nisbətən 3 % azdır. Hesabat dövründə şirkətin öhdəlikləri 5 % azalaraq 520,9 milyon manata düşüb, balans kapitalı isə 15 % artaraq 65,3 milyon manata çatıb.

Xatırladaq ki, "Azərpoçt" kommersiya qurumu kimi 2009-cu ildə eyni adlı dövlət müəssisəsinin bazasında yaradılıb. Onun nizamnamə kapitalı 73,358 milyon manatdır. Şirkət ölkənin milli poçt operatorudur. 

Oxşar xəbərlər

AzTV öhdəliklərini 37 % azaldıb

“Azəralüminium”un xalis mənfəəti 9 dəfə azalıb

"Şahdağ Turizm Mərkəzi"nin yığılmış zərəri 100 milyon manatı keçib

“AzInTelecom” maliyyə göstəricilərini açıqlayıb