“Bir Könüllü” Tələbə Təşkilatı, “EESTEC JLC Baku” və “IAAS” təşkilatlarının birgə təşəbbüsü ilə 24-29 mart tarixlərində Qubada tələbələr üçün İT və proqramlaşdırma üzrə yaz düşərgəsi təşkil ediləcək.

Bu barədə APA-ya Elm və Təhsil Nazirliyindən məlumat verilib.

Qeyd olunub ki, düşərgənin keçirilməsində əsas məqsəd informasiya texnologiyaları sahəsində təhsil alan tələbələrin yarışma vasitəsilə bilik və bacarıqlarının artırılması, eləcə də tələbələr arasında əməkdaşlıq, komanda quruculuğu kimi xüsusiyyətlərin gücləndirilməsidir.

Düşərgə proqramlaşdırma dilləri (PHP, Python, Java, jаvascript) və sistem inzibatçılığı istiqamətləri üzrə keçiriləcək.

Düşərgədə ali təhsil müəssisələrinin kompüter elmləri və kompüter mühəndisliyi, informasiya texnologiyaları, informasiya təhlükəsizliyi və əlaqəli ixtisaslarında bakalavriat səviyyəsi üzrə təhsil alan III və IV kurs tələbələri, həmçinin magistratura və doktorantura səviyyəsi üzrə təhsil alanlar və məzunlar iştirak edə bilərlər.

Müraciət zamanı namizədlər proqramlaşdırma və sistem inzibatçılığı sahələrindən birini seçməlidirlər.

Düşərgə iştirakçıları developer və sistem administratoru istiqamətlərində keçiriləcək ilkin imtahan əsasında seçiləcək.

Qeyd edək ki, qeydiyyat prosesi 9 mart tarixinədək davam edəcək.

Oxşar xəbərlər

Gənc hüquqşünaslar üçün qış düşərgəsi təşkil ediləcək

Şəhid övladları üçün “Təhsil” adlı yay düşərgəsi keçirilir

BilBacar müsabiqəsi başlayır

Hökumətlərarası Təqaüd Proqramı çərçivəsində iki tələbə ilk dəfə Tacikistanda təhsil alacaq

“Maarifçi”lər nazirlik və tabe qurumlarında əmək fəaliyyətinə başlayıblar