Bolqarıstanda Tibbi universitetinin alimləri melanomanın müalicəsinə yeni yanaşma təklif ediblər. Bu, qabaqcıl terapiya gümüş nanohissəciklərin (AgNPs) və antimikrobiyal agent xlorheksidin istifadəsinə əsaslanır.

“Sizinxeber.az” xəbər verir ki, melanoma sürətlə inkişaf edən və çox vaxt ölümcül olan dəri xərçənginin ən aqressiv növüdür.

Gümüş nanohissəciklərin effektivliyi formasından və yükündən asılıdır. Belə ki, sferik və mənfi yüklü hissəciklər daha az zəhərlidir, lakin xərçənglə mübarizədə təsirli deyil.

Onların xərçəngə qarşı fəaliyyətini artırmaq məqsədilə, alimlər təbii reduksiya agenti kimi yaşıl çay yarpaqlarından (Camellia sinensis) istifadə edərək AgNP-lərin sintezi üçün bir üsul işləyib hazırlayıblar. Effektivliyi artırmaq üçün hissəciklər əlavə olaraq geniş spektrli antimikrobiyal agent olan xlorheksidinlə birləşdirilib.

Alınan AgNP-Cx+ kompleksləri təsirli nəticələr göstərib: onların anti-melanoma aktivliyi 18 dəfə, şiş hüceyrələri üçün seçiciliyi isə daha yüksək, adi gümüş nanohissəciklərdən isə üç dəfə yaxşı olub.

Tədqiqatın əsas nailiyyətlərindən biri AgNP-Cx+ kompleksini birbaşa dərinin təsirlənmiş nahiyələrinə çatdıra bilən prototip yapışan plastrın yaradılması olub.

Oxşar xəbərlər

Alimlər: Süni qaralma dəri xərçəngi xəstəliyinə səbəb olur

Uşaqlarda beyin xərçəngi xəstəliyi ilə mübarizə üçün yeni üsul aşkarlanıb

Alimlər yeni pandemiyaya səbəb ola biləcək virusları aşkarlayıblar

Alimlər pəhrizlə bağlı məşhur mifi təkzib ediblər

Alimlər uzun illər istifadə müddəti olan almaz akkumulyator yaradıblar