Daxili İşlər Nazirliyi xüsusi təyinatlı təhsil müəssisəsi olan Polis Akademiyasına “Hüquqşünaslıq” ixtisası (III qrup) üzrə əyani təhsilə 500, “İnformasiya təhlükəsizliyi” ixtisası (I qrup) üzrə isə 25 kursantın qəbulu üçün müsabiqə elan edilib.

Bu barədə "Sizinxeber.az"a Dövlət İmtahan Mərkəzindən məlumat verilib.

Qeyd edilib ki, müsabiqədə Azərbaycan dilini sərbəst bilən, boyu azı 165 sm, çağırışçı kimi Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində qeydiyyatda və həqiqi hərbi xidmətə yararlı olan, buraxılış sinfində (11-ci sinifdə) oxuyan və ya tam orta təhsilli, 16 yaşdan 18 yaşadək (2025-ci ilin avqust ayının 1-dək 16 yaşı tamam olacaq) kişilər iştirak edə bilərlər.

Sənəd qəbulu bu gündən 2025-ci il fevralın 23-dək namizədin daimi qeydiyyatda olduğu inzibati ərazi üzrə polis idarə və ya şöbələrində həyata keçirilir. İmtahanlar Azərbaycan və rus dillərində keçirilir.

İmtahan şərtləri ilə buradan tanış ola bilərsiniz.

Oxşar xəbərlər

Dövlət Sərhəd Xidmətinin Akademiyasına əlavə sənəd qəbulu elan edilir

Gələn ildən DİN-in Polis Akademiyası İT mütəxəssisi yetişdirəcək

Polis Akademiyasına qəbul elan edilib

Daxili Qoşunların Ali Hərbi Məktəbinə əlavə kursant qəbulu elan edilib

Bu şəxslər hərbi qeydiyyata alınacaq - Qərar