31 iyul saat 11:00-dan etibarən müəllimlərin işə qəbulu üzrə müsabiqənin müddətsiz müqavilə ilə faktiki yaşayış rayonuna uyğun olaraq həvəsləndirmə tədbirləri tətbiq edilən müəssisələr üzrə vakansiya seçimi mərhələsi həyata keçiriləcək.

Bu barədə Sizinxeber.az-ya İnsan Resusları Mərkəzindən məlumat verilib.

Bildirilib ki, şəxsi səhifədə namizədlər tərəfindən qeyd edilən faktiki yaşayış rayonuna uyğun olaraq həvəsləndirmə tədbirləri tətbiq edilən müəssisələr üzrə vakansiya seçimi təşkil olunacaq. Vakansiya seçimində bütün fənlər üzrə test imtahanında ümumtəhsil proqramı üzrə minimun 34 bal və tədris metodikası üzrə minimum 6 bal olmaqla, ümumi 40 bal və daha yüksək nəticə göstərən namizədlər 4 avqust saat 11:00-dək şəxsi səhifələrinə daxil olaraq vakansiya seçimi edə biləcəklər.

Qeyd edilib ki, namizədlər seçdiyi vakant yerə yerləşdikdən sonra həmin yerdən imtina etdiyi halda müsabiqənin növbəti vakansiya seçimlərində iştirakı təmin olunmayacaq.

Oxşar xəbərlər

Sabah MİQ üzrə müddətli müqavilə ilə vakansiya seçiminə başlanılır

Bu gündən MİQ üzrə müsabiqənin vakansiya seçimi mərhələsi başlanır

MİQ üzrə müddətli müqavilə ilə vakansiya seçiminə başlanılır

Şəhid ailəsi üzvləri üçün MİQ üzrə vakansiya seçiminə start verilib

Sabahdan müəllimlərin işə qəbulu üzrə müsabiqənin vakansiya seçimi mərhələsinə start veriləcək