Yaz mövsümündə şəhərin sanitar təmizlik səviyyəsinin daha da yüksəldilməsi və mövcud yaşıllıqlara qulluq göstərilməsi məqsədi iləBakı Şəhər İcra Hakimiyyəti tərəfindən şənbə günü, aprel ayının 19-da paytaxtda genişmiqyaslı təmizlik işləri aparılıb.

Bu barədə APA-ya Bakı Şəhər İcra Hakimiyyətinin Mətbuat Xidmətindən məlumat verilib.

Bildirilib ki, Bakı Şəhər İcra Hakimiyyəti Kommunal təsərrüfat xidmətlərinin texnikası əsas küçə və prospektlərin bitki və canlılara ziyansız yuyucu maddələrlə yuyulmasını aparıb, güclü yağışdan sonra yığılan torpaq qatı təmizlənib.

Təmizlik işləri zamanı həm də məhəllədaxili və ara yollar da yuyulub. Xidmətin əməkdaşları tərəfindən prospekt və küçələrin, səki kənarlarının, bordyurların və buradakı işıq dirəklərinin, yol kənarındakı məhəccərlərin, park və istirahət yerlərində oturacaqların yuyulmasını həyata keçirilib, həyət və yaşayış məhəllələrində təmizlik işləri görülüb.İctimai-iaşə, ticarət və digər obyektlərinvitrinlərini təmizlənib, ətrafında səliqə-sahman yaradılıb.

Bakı Şəhər Yaşıllaşdırma Təsərrüfatı Birliyi əməkdaşları tərəfindən əsas magistral yol və prospektlərin kənarlarındakı ağacların üzərinə toplanan toz və torpaq yuyulub, onların dibi yumşaldılıb, ağaclara və yaşıllıq sahələrinə aqrotexniki qulluq göstərilib və təbii gübrələr verilib. Eyni zamanda, şəhər sakinləri və paytaxtımızın qonaqlarının zövqünü oxşayacaq rəngbərəng güllər əkilib, müxtəlif rəngli güllərdən kompozisiyalar yaradılıb.

Paytaxtın sanitar təmizliyinin lazımı səviyyədə saxlanılması və yaşıllıqların qorunmasıüçün tələb olunan bütün tədbirlər bütün il ərzində davam etdiriləcəkdir.

Oxşar xəbərlər

Paytaxtda növbəti dəfə daxili iməclik keçirilib [xfgiven_updateblue][/xfgiven_updateblue]

Paytaxtda növbəti iməclik keçirilib - FOTO [xfgiven_updateblue][/xfgiven_updateblue]

Paytaxtda növbəti iməcilik keçirilib, küçələr yuyulub - FOTO - YENİLƏNİB [xfgiven_updateblue][/xfgiven_updateblue]

Paytaxtda növbəti iməcilik keçirilib - FOTO [xfgiven_updateblue][/xfgiven_updateblue]

Bakıda iməcilik keçirilib [xfgiven_updateblue][/xfgiven_updateblue]