Mədəniyyət naziri Adil Kərimli dekabrın 14-də Kürdəmir şəhərində vətəndaşları qəbul edib.

Bu barədə APA-ya nazirlikdən məlumat verilib.

Qəbuldan öncə nazir Adil Kərimli və Kürdəmir Rayon İcra Hakimiyyətinin başçısı Elxan İbrahimov şəhərin mərkəzində Ümummilli lider Heydər Əliyevin abidəsini ziyarət edib.

Kürdəmir rayon Yeni Azərbaycan Partiyasının inzibati binasında keçirilən qəbulda Kürdəmir, Ucar, Zərdab, Ağdaş, Yevlax, Göyçay rayonlarından və Mingəçevir şəhərindən olan vətəndaşların müraciətləri dinlənilib.

Vətəndaşlar, əsasən, işlə təmin olunma, mədəniyyət sahəsi ilə bağlı təkliflər, təşəbbüslər, əməyin qiymətləndirilməsi və digər məsələlərlə bağlı müraciətlərini diqqətə çatdırıblar.

Mədəniyyət naziri hər bir müraciət üzrə məsələlərin operativ araşdırılması və qanunvericiliyə uyğun həlli ilə bağlı nazirliyin məsul nümayəndələrinə tapşırıqlar verib.

Qeyd edilib ki, qəbulda şəhid ailələri və qazilərin qeyd etdikləri məsələlər diqqətlə yanaşılması, vaxtında və obyektiv baxılması məqsədilə qeydiyyata alınaraq nəzarətə götürülüb.

Oxşar xəbərlər

Mədəniyyət naziri Ağcabədidə vətəndaşları qəbul edib

Mədəniyyət naziri Astara rayonunda vətəndaşları qəbul edib

Mədəniyyət naziri Kürdəmirdə vətəndaşları qəbul edəcək

Adil Kərimli Xırdalan şəhərində vətəndaşları qəbul edib