Azərbaycanda minadan zərərçəkənlərlə bağlı 11 rayon və şəhər üzrə aparılan tədqiqatın nəticəsinə həsr olunan tədbir keçirilib.

APA xəbər verir ki, tədbirdə bildirilib ki, təqdiqat Azərbaycan Respublikasının Qeyri-hökumət Təşkilatlarına Dövlət Dəstəyi Agentliyinin Maliyyə dəstəyi ilə Azərbaycanda Minadan Zərərçəkənlərin Assosasiyası İctimai Birliyinin həyata keçirdiyi "Mina/PHS hadisələrinin və onun təsirinin azaldılmasına dəstək adlı layihə çərçivəsində aparılıb.

Assosiasiya sədri Rey Kərimoğlu çıxış edərək bildirib ki, 5 ay ərzində sözügedən layihə çərçivəsində minadan və partlamış hərbi sursatlardan zərərçəkən şəxslərin 11 rayon və şəhərdə (Füzuli, Beyləqan, Ağdam, Ağcabədi, Bərdə, Tərtər, Goranboy, Naftalan, Abşeron, Bakı, Sumqayıt) siyahısı müəyyənləşdirilib.

Həmin rayon və şəhərlərdə beynəlxalq forma olan "İnformasiyanın İdarə edilməsi Sistemi Agentlərinin (İMİSMA)" proqram üzrə sorğu keçirilib.

Adı çəkilən rayon və şəhərlərdə minə yaxın minadan zərərçəkənlərdən 866 nəfərinin sorğulara cəlb olunaraq toplanmış məlumatları təhlil edilib.

Toplanmış məlumatlar mina/partlamamış hərbi sursatların (PHS) insanların həyat və sağlamlığına vura biləcəyi zərərin qarşısının alınması və zərərin azaldılması, zərərçəkmiş şəxslərin sosial vəziyyətinin yaxşılaşdırılması üzrə effektiv proqramların hazırlanması üçün istifadə etməyi nəzərdə tutur.

Qeyd olunub ki, bu, mina hadisələrindən zərərçəkmişlərin və hadisənin fəsadlarının azalmasına, zərərçəkmişlərin sosial vəziyyətinin yaxşılaşmasına doğru dəyişəcək.

Tədbirdə ANAMA, BAMF, ABŞ səfirliyi, BMT-nin, dövlət qurumlarının, o cümlədən vətəndaş cəmiyyəti təşkilatlarının nümayəndələri iştirak edərək çıxış ediblər.

Oxşar xəbərlər

Son iki ildə minadan əziyyət çəkən 172 nəfərə dəstək göstərilib

ANAMA sədri: İndiyədək 156 min hektara yaxın ərazi minadan təmizlənib

“Açıq hökumətin təşviqində və korrupsiyaya qarşı mübarizədə medianın rolu” mövzusunda dəyirmi masa keçirilib - FOTO

Bakı, Sumqayıt və Abşeron üzrə pensiyaların ödəniləcəyi vaxt açıqlanıb

Lənkəranda dələduzluq edən şəxs saxlanılıb