Fövqəladə Hallar Nazirliyinin Dövlət Yanğından Mühafizə Xidmətinin təşkilatçılığı ilə “Uşaq hüquqları aylığı” çərçivəsində Səbail rayon Yanğından Mühafizə Hissəsində “açıq qapı” günü tədbiri keçirilib.

FHN-in Mətbuat xidmətindən APA-ya verilən məlumata görə, tədbirin keçirilməsində məqsəd uşaqların hərtərəfli inkişafına, onların fiziki və mənəvi cəhətdən sağlam yetişməsinə, onlarda təhlükəsiz həyat fəaliyyəti mədəniyyətinin, eyni zamanda ilkin yanğın təhlükəsizliyi biliklərinin formalaşmasına, yanğınsöndürənlərin peşə fəaliyyəti barədə məlumatlılıq səviyyəsinin artırılmasına kömək etmək olub.

Tədbirdə Bakı şəhəri ərazisində fəaliyyət göstərən Zəfər liseyinin şagirdləri və müəllimləri iştirak ediblər.

Tədbir iştirakçılarına yanğınsöndürənlərin gündəlik rejim qaydası və Hissənin fəaliyyəti haqqında ətraflı məlumat verilib, onlara ilkin yanğınsöndürmə vasitələrindən istifadə qaydaları və əməkdaşların ənənəvi məşqlərinin bir hissəsi əyani şəkildə nümayiş etdirilib. Həmçinin, uşaqlar fövqəladə hallar zamanı istifadə olunan zəruri yanğınsöndürmə və digər qəza-xilasetmə texnika və avadanlıqları ilə yaxından tanış olublar.

Maraqla keçən tədbirdə uşaqları maraqlandıran suallar cavablandırılıb.

Oxşar xəbərlər

Dövlət Yanğından Mühafizə Xidməti “açıq qapı” günü tədbirləri keçirib

FHN “Gənclik Mall”da təlim keçirib - VİDEO

Qaradağda yanğın olub - YENİLƏNİB - VİDEO