Əmək və əhalinin sosial müdafiəsi naziri Sahil Babayev Qax rayonunda Qax və Zaqatala rayonlarının sakinlərini qəbul edib.

Bu barədə Sizinxeber.az-ya Əmək və Əhalinin Sosial Müdafiəsi Nazirliyindən xəbər verilib.

Bildirilib ki, qəbuldan əvvəl S.Babayev və Qax Rayon İcra Hakimiyyətinin başçısı Musa Şəkiliyev Ümummilli Lider Heydər Əliyevin abidəsini ziyarət ediblər.

Qəbul zamanı vətəndaşların məşğulluq, əlillik, pensiya, ünvanlı sosial yardım, mənzillə təminat və s. məsələlərə dair müraciətləri dinlənilib.

Müraciət edən vətəndaşların bir qismi şəhid ailələrinin üzvləri və müharibə iştirakçıları olub. Hər bir müraciətin fərdi qaydada araşdırılması və nəticəsinə uyğun tədbirlər görülməsi təmin edilib.

Müraciətləri əsasında vətəndaşlar aktiv məşğulluq proqramlarına cəlb edilmələri üçün qeydiyyata alınıblar. Sorğu xarakterli müraciətlərlə əlaqədar qanunvericiliyə uyğun izahatlar verilib.

Oxşar xəbərlər

Sahil Babayev Göygöldə vətəndaşları qəbul edib

Sahil Babayev Qax rayonunda vətəndaşları qəbul edəcək

Qazaxıstanla əmək, məşğulluq və sosial müdafiə sahəsində təcrübə mübadiləsi aparılıb

Əmək və Əhalinin Sosial Müdafiəsi Nazirliyində Rusiya nümayəndə heyəti ilə görüş olub

Mədəniyyət naziri Astara rayonunda vətəndaşları qəbul edib