Əhaliyə göstərilən istilik təchizatı xidmətinin tarifi dəyişib.

APA xəbər verir ki, Tarif Şurası bununla bağlı qərar verib.

Qeyd edilib ki, “Azəristiliktəchizat” ASC üzrə 1 m² sahə üçün istilik təchizatı xidmətinin maya dəyəri 1,10 manat təşkil edir. Lakin 2011-ci ildən bu sahə üzrə ödənişlər 1 m² sahə üçün 15 qəpikdir. Aradakı qiymət fərqi dövlət büdcəsindən ayrılan subsidiya hesabına qarşılanır. Bu sahədə yumşaq tarif siyasəti həyata keçirilməklə optimal tarifin müəyyənləşdirilməsi qərara alınıb. Belə ki, “Azəristiliktəchizat” ASC tərəfindən əhali istehlakçı qrupuna göstərilən istilik xidmətinin tarifi sayğac quraşdırılmadığı halda aylıq 1 m2 üçün 30 qəpik səviyyəsində təsdiq edilib. Sayğac quraşdırıldıqda isə 1 Qkal üçün (təqribən 40-50 m² sahə üçün) 14,6 manat həddində müəyyənləşdirilib.

Bu tarif tənzimləməsi dövlət büdcəsindən asılılığın azalmasına, istilik təchizatının əhatəsinin genişləndirilməsinə və bu şəkildə xidmətin keyfiyyətinin yüksəldilməsinə şərait yaradacaq.

Qərar 2025-ci il 2 yanvar tarixindən qüvvəyə minir.

Oxşar xəbərlər

Bir sıra kommunal xidmətlər və dərman vasitələri üzrə qiymətlər müəyyənləşdirilib [xfgiven_updateblue][/xfgiven_updateblue]

"Azəristiliktəchizat"a yeni səlahiyyət verilib [xfgiven_updateblue][/xfgiven_updateblue]

Təbii qazın ölkədaxili tarifləri tənzimlənib [xfgiven_updateblue][/xfgiven_updateblue]

Əhali üçün elektrik enerjisinin yeni tarifləri müəyyənləşib [xfgiven_updateblue][/xfgiven_updateblue]

Tikinti obyektlərinin su təchizatı və tullantı sularının axıdılması sistemlərinə qoşulma xidmətinə görə ödənişlər tənzimlənib [xfgiven_updateblue][/xfgiven_updateblue]