“Yaşıl” hidrogenin istehsal maya dəyəri hazırda neft ekvivalenti ilə bir barel üçün 200-dən 400 ABŞ dollarına qədər dəyişir ki, bu da hidrogeni neft və qazla müqayisədə tamamilə rəqabətsiz edir.

“Sizinxeber.az-Economics”in TASS-a istinadən verdiyi xəbərə görə, bu barədə “Rosneft”in (Rusiyanın iri neft-qaz şirkəti) baş icraçı direktoru İqor Seçin bildirib.

“‘Yaşıl’ hidrogen yanacağının tətbiqi 2050-ci il üçün təxminən 10 trilyon dollara başa gələcək. Eyni zamanda, onun istehsal maya dəyəri neft ekvivalenti ilə bir barel üçün 200-dən 400 dollara qədər dəyişir ki, bu da hidrogeni neftlə müqayisədə tamamilə rəqabətsiz edir”, - deyə o bildirib.

İqor Seçin qeyd edib ki, yeni enerji mənbələrinin axtarışı heç vaxt dayanmayıb, illərdir hidrogenin istifadəsinə böyük ümidlər var.

“Lakin hələ də aşağı karbonlu hidrogen, istehsal olunan bütün həcmin 1%-dən azını təşkil edir”, - baş icracı direktor əlavə edib.

Oxşar xəbərlər

Azərbaycanda hidrogenin istehsalı üzrə üç ssenari açıqlanıb

Nazir müavini: Xəzərin külək potensialı yaşıl hidrogen üçün imkan yaradır

OPEC Azərbaycanda gündəlik neft hasilatı üzrə göstəriciləri açıqlayıb

BOEMDA: Azərbaycanda boz hidrogeni "yaşıl enerji mənbələri" ilə əvəz edilməsi planlaşdırılır

Dünya bazarlarında neft 2 dollara yaxın ucuzlaşıb