AMB sığorta bazarının daha üç iştirakçısına icrası məcburi göstəriş verib

Azərbaycan Mərkəzi Bankı (AMB) “A-Qrup Sığorta” və "Meqa Sığorta" ASC-lərə, eləcə də müstəqil ekspert Talıblı Əhməd Talıbxan oğluna icrası məcburi göstəriş verib.

“Sizinxeber.az” bu barədə AMB-yə istinadən xəbər verir.

Məlumata görə, qurumun həyata keçirdiyi yoxlamalar çərçivəsində şirkətlərin və fiziki şəxsin sığorta qanunvericiliyinin tələblərini təmin etmədiyi məlum olub. Odur ki, “Sığorta fəaliyyəti haqqında” qanunun 102-ci maddəsinə əsasən onlara icrası məcburi göstəriş verilib.