ABŞ-ın tarif siyasətinin Azərbaycana təsirini qiymətləndirmək hələ tezdir.

“Report” xəbər verir ki, bunu Azərbaycan Mərkəzi Bankının (AMB) sədri Taleh Kazımov mətbuat konfransında bildirib.

Onun sözlərinə görə, ABŞ ilə ticarət həcmimiz elə də böyük deyil və tariflər təxminən 10 % artıb: "Dolayı yolla təsiri ola bilər, lakin bu təsiri tam qiymətləndirmək üçün hələ vaxt lazımdır. Artıq bir sıra Avropa və Asiya ölkələri yüksək tariflərdən irəli gələrək yeni bazarlara fokuslanır ki, bu da təklifin artmasına və qiymətlərin azalmasına səbəb ola bilər".

T. Kazımov hesab edir ki, ümumilikdə, tarif müharibəsinin Azərbaycanda qiymətlərin kəskin artımına səbəb olacağını demək olmaz; "AMB-nin mövqeyinə görə, belə bir təsir gözlənilmir. Effektin konkret ölçüsünü müəyyənləşdirmək üçün əlavə araşdırma və zaman tələb olunur".

AMB sədri vurğulayıb ki, ABŞ-ın hansı məhsullara daha yüksək tarif tətbiq etdiyini nəzərə almaq vacibdir: "Azərbaycan istehsalçıları yeni tələblərə uyğun eyni adda məhsullar təqdim etməklə ixrac həcmlərini artıra bilərlər".

Oxşar xəbərlər

Çin Sədri: Tarif və ticarət müharibələri dünyanın iqtisadi nizamına zərbədir

Taleh Kazımov: "Özəl pensiya fondu məsələsində hökumətlə baxışımız eynidir"

Meksika Prezidenti: ABŞ-yə qarşı cavab tarif və qeyri-tarif tədbirləri tətbiq ediləcək

AMB: Bu il tənzimlənən qiymətlərin inflyasiyaya artırıcı təsiri 0,51 faiz bəndidir

Taleh Kazımov: "Büdcə xərclərinin inflyasiyaya təsiri davam edəcək"