Azərbaycan, Qazaxıstan və Özbəkistanın bank sektorları mülayim iqtisadi şoklara tab gətirməyə imkan verən buferlər yaratmaqla öz mövqelərini möhkəmləndiriblər.

“Report” bu barədə beynəlxalq reytinq agentliyi “Moody's”in hesabatına istinadən xəbər verir.

Agentlik bəyan edib ki, son illər regionun ən böyük iqtisadiyyatları - Azərbaycan, Qazaxıstan və Özbəkistan şaxələndirmə və dayanıqlılığının artırılmasında əhəmiyyətli irəliləyişə nail olublar.

"Bank sektorları mülayim şokların təsirini kompensasiya edə bilən buferlər yaradıblar. Koronavirus (COVID-19) pandemiyasından və 2014-2015-ci illərin valyuta böhranından sonra tənzimləmənin sərtləşdirilməsi də dollarlaşma səviyyəsinin və xarici risklərə qarşı həssaslığın azalmasına kömək edib. Korporativ sektorda iri şirkətlərin - əsasən dövlət şirkətlərinin - dayanıqlılığı güclü maliyyə vəziyyəti, yüksək likvidlik və dövlət dəstəyi ilə təmin edilir. Bu da onlara cari iqtisadi çağırışlarla uğurla mübarizə aparmağa imkan verir", - hesabatda qeyd olunub.

Oxşar xəbərlər

"Moody’s": Azərbaycanın bank sektoru xarici şoklara qarşı həssaslığını azaldıb

"Moody’s": Azərbaycan iqtisadiyyatı 2025-ci ildə 4 % artacaq

Türk dövlətləri ötən il qlobal iqtisadiyyatda 2 %-ə yaxın paya malik olub

IMF Azərbaycanın bank sektorunun daha dayanıqlı olması üçün 4 istiqamət təklif edib

"S&P" bu il Azərbaycanda bank sektorunun dayanıqlı olacağını proqnozlaşdırır