"Moody’s" Azərbaycanın kredit reytinqini artıra bilər.

"Sizinxeber.az-Economics" xəbər verir ki, bunu Niderlandın ən böyük maliyyə korporasiyası olan "ING Group" proqnozlaşdırıb.

ING hesab edir ki, ticarət və büdcə profisitinin zəifləyəcəyi gözlənilsə belə, əhəmiyyətli valyuta ehtiyatları və məhdud xarici maliyyələşmə ehtiyacları fonunda ölkənin kredit əsasları güclüdür. Azərbaycanın reytinqləri investisiya səviyyəsinə (IG) doğru irəliləyir: "Fitch" keçən ilin iyul ayında reytinqi BBB- səviyyəsinə qaldırıb, Moody’s isə müsbət proqnoz verib. Bu isə rəsmi reytinqlərin bazar qiymətləndirmələri və qiymətləri ilə uyğunlaşmasına gətirib çıxarmalıdır. Biz hesab edirik ki, Moody’s bu il reytinqi artıra bilər, bu da Azərbaycana ikinci investisiya səviyyəli reytinqi qazandıracaq və ümumi reytinqi investisiya səviyyəsinə çatdıracaq".

ING əlavə edib ki, Ermənistanla sülh razılaşmasına doğru irəliləyiş bazarlarda bir qədər müsbət təsir yaradıb, lakin hazırda Azərbaycan istiqrazlarının spredləri BBB reytinqli digər dövlətlərlə müqayisədə artıq cəlbedici görünmür: "Hökumətin yeni avrobond (Eurobond) buraxması ehtimalı azdır".

Qeyd edək ki, "Fitch Ratings" və "S&P Global Ratings" reytinq agentlikləri üzrə BBB- və yuxarı kredit reytinqi investisiya dərəcəsi hesab edilir. "Moody’s isə Baa3 və yuxarı reytinqi investisiya dərəcəsi hesab edir. İnvestisiya reytinqinin verilməsi o deməkdir ki, Azərbaycan beynəlxalq maliyyə bazarlarında daha etibarlı borcalana çevrilir.

Oxşar xəbərlər

"Moody’s" Azərbaycanın kredit reytinqini yüksəltmək üçün şərtləri açıqlayıb

Emmanuel Makronun reytinqi son altı ilin ən aşağı səviyyəsinə düşüb

Moody’s: Azərbaycan iqtisadiyyatı gözləniləndən daha sürətlə böyüyür

Maliyyə Nazirliyi Fiç Reytingz tərəfindən Azərbaycana investisiya dərəcəli kredit reytinqi verilməsini təqdir edir

"Fitch Solutions”: Bu il Azərbaycanda inflyasiya 4%-dən yüksək olacaq