“S&P Global Ratings” beynəlxalq reytinq agentliyi Azərbaycanın bank sektorunun risk qiymətləndirməsini (BICRA) “sabit”dən “müsbət”ə yüksəldib.

Bu barədə "Report" “S&P”yə istinadən xəbər verir.

"Biz Azərbaycanın bank sektoru üçün BICRA qiymətləndirməmizi “sabit”dən “müsbət”ə yenidən nəzərdən keçirdik. Bu sektorun riskləri üzrə müsbət tendensiya 2024-2026-cı illər üçün Maliyyə Sektorunun İnkişaf Strategiyası çərçivəsində son iki ildə ölkədə maliyyə institutlarının tənzimlənməsi və nəzarətinin təkmilləşdirilməsi təşəbbüslərini əks etdirir", - agentlik qeyd edib.

“S&P”nin qiymətləndirmələrinə görə, bu təşəbbüslər səmərəli şəkildə həyata keçirilərsə, Azərbaycanda banklara nəzarət və tənzimləməni daha da gücləndirə bilər.

Eyni zamanda, agentlik hesab edir ki, Azərbaycanda tənzimləmə və nəzarət strukturu beynəlxalq standartlardan zəifdir.

“S&P” BICRA qiymətləndirməsində Azərbaycanı "8"ci qrupda saxlayıb.

Oxşar xəbərlər

“S&P” Azərbaycanın 2024-cü il üçün ÜDM-də artım proqnozunu yaxşılaşdırıb

S&P Azərbaycanın bank sistemi ilə bağlı qiymətləndirməsini yaxşılaşdırıb

Azərbaycanın bank sektorunun aktivləri 12 %-ə yaxın artıb

Azərbaycanın bank sektorunun aktivləri 8 %-ə yaxın artıb

AMB: Maliyyə sektorunun dayanıqlılığı artıb