Nazirlər Kabineti qiymətləndiricinin peşə məsuliyyətinin sığortası üzrə sığorta təminatına və sığorta məbləğinə dair minimum tələblərin müəyyən edilməsi haqqında qərar qəbul edib.

"Sizinxeber.az" xəbər verir ki, qərarı Baş nazir Əli Əsədov imzalayıb.

Qərara əsasən, qiymətləndirmə fəaliyyəti həyata keçirilərkən qiymətləndiricinin etdiyi səhv və ya yol verdiyi ehtiyatsızlıq, yaxud diqqətsizlik halları əsasında onun fəaliyyəti üzrə “Qiymətləndirmə fəaliyyəti haqqında” qanunla müəyyən edilmiş tələblərin, habelə qiymətləndirmə haqqında müqavilə şərtlərinin pozulması
nəticəsində sifarişçiyə və (və ya) üçüncü şəxslərə dəymiş zərərin ödənilməsi qiymətləndiricinin peşə məsuliyyətinin sığortası üzrə sığorta təminatına dair minimum tələbdir.

Qiymətləndiricinin peşə məsuliyyətinin sığortası üzrə sığorta məbləğinin minimum həddi 200 min manat müəyyən edilib.

Oxşar xəbərlər

Azərbaycanda “Sığorta fəaliyyəti haqqında” qanun dəyişib

Nazirlər Kabineti icbari sığortaya dair bəzi qərarlarında dəyişiklik edib

DİN-in taksi sərnişinlərinin sığortasına dair məlumatları əldə etməsi qaydası müəyyənləşib

Bu şəxslərə uşağa görə əlavə pul VERİLƏCƏK

Azərbaycanda aqrar sığorta ödənişləri 3 dəfəyə yaxın artıb