2025-ci ilin dekabrında nominal effektiv məzənnə 2024-cü ilin eyni ayı ilə müqayisədə 4.6% ucuzlaşıb. Bu isə cari ilin martında inflyasiyaya 1% artıcı təsir edib.

Sizinxeber.Az xəbər verir ki, bu barədə Mərkəzi Bankın sədri Taleh Kazımov faiz dəhlizinin parametrləri barədə qərarın açıqlanmasın dair mətbuat konfransında deyib.

Onun sözlərinə görə, fevral-mart aylarında neftin bahalaşması nəticəsində manat dəyər qazansa da, bu, inflyasiyaya azaldıcı təsirini 3 aylıq müddətdə göstərəcək:

"Kənd təsərrüfatı istehsalçılarının qiymət indeksini istisna etməklə digər amillər 3 ay gec təsir göstərir. Buna görə mart ayı inflyasiyasına nominal effektiv məzənnənin dekabrdakı dəyişimi təsir göstərib".

T.Kazimov əlavə edib ki, hesabat dövründə dövlət istehlakı və ev təsərrüfatı istehlakı üzrə tələb amilləri müvafiq olaraq 7.3 və 9.2% artıb:

“Martın inflyasiyasına 2 faiz bəndi artıcı təsir edib. Digər amillər isə 2 faiz bəndi azaldıcı təsir edib”.

Oxşar xəbərlər

Azərbaycanda müxtəlif amillərin inflyasiyaya təsir gücü açıqlanıb

Taleh Kazımov: "Ticarət tərəfdaşlarındakı inflyasiya ölkədə qiymət artımına artırıcı təsir göstərib"

Azərbaycanda istehlak kredit portfelinin artımının inflyasiyaya təsirləri açıqlanıb

AMB: Bu il tənzimlənən qiymətlərin inflyasiyaya artırıcı təsiri 0,51 faiz bəndidir

İqlim dəyişikliklərinin 2035-ci ilə kimi Azərbaycanda inflyasiyaya təsiri açıqlanıb