Dövlət Şəhərsalma və Arxitektura Komitəsinin sədri Anar Quliyev "Facebook" sosial şəbəkəsində Füzuli şəhəri ilə bağlı paylaşım edib.

"Sizinxeber.az" xəbər verir ki, videoda müasir Füzulinin quruculuğundan bəhs edən kadrlar yer alıb.

“Böyük Qayıdış”ın böyük hədəflərinə uyğun olaraq Füzuli də sürətlə dirçəlir, inkişaf edir. Əhalinin yüksək həyat səviyyəsini təmin etmək məqsədilə qabaqcıl şəhərsalma standartlarına uyğun yaşayış məhəllələri tikilir, yeni yol-nəqliyyat infrastrukturu qurulur, təhsil, səhiyyə ocaqları, mədəniyyət mərkəzləri, idman-əyləncə kompleksləri, park və istirahət zonaları salınır. Bir sözlə, şəhər yenidən canlanır, doğma sakinlərinə daha möhtəşəm bir görkəmdə qucaq açır.
Möhtərəm Prezidentimiz İlham Əliyevin də dediyi kimi, “Füzulinin yeni siması göz oxşayır. Və indi o qalıb ki, insanlar burada rahat yaşasınlar...”.

Dövlət Şəhərsalma və Arxitektura Komitəsinin kollektivi də öz növbəmizdə bu gözəl arzuya qoşularaq, bütün Füzuli sakinlərini əlamətdar gün münasibətilə təbrik edir!

Şəhər Gününüz mübarək, əziz füzulililər!

Oxşar xəbərlər

Anar Quliyev Bərdədə vətəndaşları qəbul edəcək

Bakıda urbanizasiya və su təhlükəsizliyinə həsr olunmuş sessiya keçirilib

Anar Quliyev: "İstixana qazı emissiyalarının 40 %-dən çoxu şəhərlərin payına düşür"

Dövlət Şəhərsalma və Arxitektura Komitəsi geniş fəaliyyət proqramı hazırlayır

Bakıda keçiriləcək Dünya Şəhərsalma Forumunun tarixləri dəqiqləşib