Bu ilin birinci rübündə Azərbaycan Dövlət Neft Fondu (ARDNF) Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar blokunun işlənməsindən 2 milyard 001,6 milyon ABŞ dolları məbləğində gəlir əldə edib.

Bu barədə "Sizinxeber.az"a Fonddan məlumat verilib.

Məlumata görə, bu, 2023-cü ilin yanvar-mart ayları ilə müqayisədə 553,8 milyon ABŞ dolları və yaxud 38,2 % çoxdur.

Xatırladaq ki, AÇG Azərbaycanın ən böyük neft yatağı blokudur. Yataqlar blokunun işlənməsi üzrə hasilat bölgüsünə dair ilk müqavilə 1994-cü ilin 20 sentyabr tarixində imzalanıb. 2017-ci ilin 14 sentyabr tarixində isə həmin yataqların birgə istismarına və hasilatın pay bölgüsünə dair yeni saziş imzalanıb. Bu saziş yataqların 2049-cu ilin sonunadək işlənməsini nəzərdə tutur.

AÇG-də BP (30,37 %), SOCAR (31,655 %), “MOL Group” (9,57 %) INPEX (9,31 %), “ExxonMobil” (6,79 %), TPAO (5,73 %), ITOCHU (3,65 %), “ONGC Videsh Limited” (OVL) (2,925 %) pay sahibidir.

Oxşar xəbərlər

Ötən il ARDNF AÇG-nin işlənməsindən 6 milyard dollardan çox gəlir əldə edib

Bu il ARDNF AÇG-nin işlənməsindən 4,6 milyard dollardan çox gəlir əldə edib

Bu il ARDNF AÇG-nin işlənməsindən 5 milyard dollardan çox gəlir əldə edib

Bu il ARDNF AÇG-nin işlənməsindən 4,2 milyard dollardan çox gəlir əldə edib