Azərbaycan və Türkiyənin energetika nazirləri Pərviz Şahbazov və Alparslan Bayraktar İğdır-Naxçıvan qaz kəmərinin istifadəyə verilməsi mərasimində iştirak etmək üçün Türkiyənin İğdır şəhərində səfərdədirlər.

“Sizinxeber.az” xəbər verir ki, bu barədə A.Bayraktar “X” sosial şəbəkəsindəki hesabında paylaşım edib.

“Azərbaycanın energetika naziri Pərviz Şahbazovla birlikdə biz İğdır-Naxçıvan qaz kəmərinin açılış mərasimində iştirak üçün sərhəd yaxınlığındakı İğdır şəhərindəyik ”, - paylaşımda qeyd olunub.

A.Bayraktar vurğulayıb ki, səfər şəhərin valisi Erkan Turanın ofisini ziyarətlə başlayıb: “Biz bu strateji layihədə şəhərimizin rolunu, eləcə də İğdırın enerji ehtiyaclarını müzakirə etdik”.

Qeyd edək ki, İğdır-Naxçıvan qaz boru kəmərinin İğdırdan Naxçıvan Muxtar respublikasının Sədərək rayonuna qədər uzunluğu 97,5 kilometr təşkil edir. Kəmərin Azərbaycan hissəsinin uzunluğu 17,5 kilometr, Türkiyə hissəsinin uzunluğu isə 80 kilometrdir. Boru kəməri gündəlik 2 milyon kubmetr, ildə isə 730 milyon kubmetr qaz ötürmək qabiliyyətinə malikdir ki, bununla da Naxçıvanın təbii qaza tələbatı tamamilə ödəniləcək.

Oxşar xəbərlər

Azərbaycan Türkiyəyə “yaşıl enerji” tədarükünü müzakirə edib

Azərbaycan Türkiyəyə “yaşıl enerji” tədarükünü müzakirə edib - YENİLƏNİB

Alparslan Bayraktar: Yaxın həftələrdə İğdır-Naxçıvan qaz boru xətti işlək vəziyyətə gələcək - EKSKLÜZİV

Azərbaycan Türkiyə ilə enerji əməkdaşlığını müzakirə edib

Sabah İğdır-Naxçıvan təbii qaz kəmərinin açılış mərasimi keçiriləcək