Atom Enerjisi üzrə Beynəlxalq Agentlik Azərbaycandan və Mərkəzi Asiya ölkələrindən bərpa olunan enerji mənbələri (BOEM) üzrə 600-dən çox layihə əldə edib.

"Report" xəbər verir ki, bunu AEBA-nın baş direktoru Rafael Qrossi 31-ci Bakı Enerji Forumunda bildirib.

"Biz Azərbaycan, Qazaxıstan, Qırğızıstan, Tacikistan və Özbəkistandan 600-dən çox müraciət almışıq, təxminən 15 layihənin investor seçimi üçün qısa siyahıya daxil edilməsi planlaşdırılır. Bir çox layihələr erkən işlənmə mərhələsindədir və əlavə texniki hazırlıq tələb edir", - o qeyd edib.

R. Qrossi vurğulayıb ki, Mərkəzi Asiya bərpa olunan enerji mənbələri sahəsində böyük potensiala və artan investisiya cəlbediciliyinə malik olmaqla qlobal enerji keçidində mühüm regiona çevrilir.

O əlavə edib ki, regionda BOEM-in inkişafı ölkələr arasında daha sıx koordinasiya və layihələrin həyata keçirilməsini sürətləndirmək üçün razılaşdırılmış regional mexanizmlərin formalaşdırılmasını tələb edir.

Agentliyin rəhbəri əlavə edib ki, 2025-ci ildə bərpa olunan enerji dünyada ən rəqabətli elektrik enerjisi mənbəyinə çevrilib, Mərkəzi Asiya isə günəş və külək enerjisinin inkişafı sayəsində bu sektorda davamlı artım nümayiş etdirir.

Oxşar xəbərlər

Qrossi: AEBA zənginləşdirilmiş uranın tapılması üçün İranda işləri bərpa etməlidir

Qrossi İranı AEBA ilə əməkdaşlığa çağırıb

Qrossi sabah AEBA-nın İranla bağlı təcili iclasını çağırıb

Qrossi: Ukraynanın energetika naziri ilə enerji infrastrukturunun bərpasını müzakirə etdik

AEBA: İran Buşehr AES-ə yeni hücum haqqında məlumat verib