Ötən il Naxçıvan Muxtar Respublikasının (MR) vergi orqanlarına ümumilikdə 1 865 müraciət daxil olub.

“Report” İqtisadiyyat Nazirliyi yanında Dövlət Vergi Xidmətinə istinadən xəbər verir ki, bunun 87,9 %-i ərizələr, 12,1 %-i şikayətlər, qalan hissəsini isə müxtəlif təkliflər təşkil edib.

Məlumata əsasən, müraciətlərin 98,4 %-nin baxılması 2024-cü ildə başa çatdırılıb və 1,6 %-i isə hazırda icradadır. Baxılmış müraciətlərdən 95,1 %-i həll olunub, 2,8 %-i barədə müvafiq izahat verilib, qalanları ilə bağlı qanunamüvafiq qərarlar qəbul edilib.

Ötən il Naxçıvan MR İqtisadiyyat Nazirliyi yanında Dövlət Vergi Xidmətində müvafiq vəzifəli şəxslər tərəfindən ümumilikdə 153 vətəndaşın qəbulu təşkil olunub. Qəbul zamanı hər bir vətəndaşın müraciətinə fərdi qaydada yanaşılıb, onların qanuni tələblərinin müsbət həlli üçün lazımi tədbirlər görülüb, həlli imkan xaricində olan məsələlərlə bağlı qanunamüvafiq izahatlar verilib.

Oxşar xəbərlər

Naxçıvanda vergi orqanlarına daxil olmuş müraciətlərin 96 %-i həll edilib

Naxçıvanda vergi orqanlarına daxil olmuş müraciətlərin 96 %-i həll olunub

Naxçıvanda 8 ayda vergi orqanlarına 1 100-dən çox müraciət daxil olub

Naxçıvanda Dövlət Vergi Xidmətinə daxil olmuş müraciətlərin sayı açıqlanıb

Vətəndaşların Dövlət Vergi Xidmətinə faktiki şikayətlərinin sayı 13 % azalıb