Azərbaycanda "E-KOB Evi"nin yaradılması üzərində işlər artıq yekunlaşmaq üzrədir.

“Sizinxeber.az” xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov "Caspian Energy Club"ın təşkilatçılığı ilə Bakıda keçirilən I Beynəlxalq "Caspian Innovation Forum"da deyib.

"Sürətlə inkişaf səviyyəsində olan dövlətlərdə olduğu kimi, Azərbaycan üçün də iqtisadiyyatın rəqəmsallaşdırılması, rəqəmsal iqtisadiyyatın qurulması, innovasiyaların tədbiqi prioritetlər sırasındadır. Bu baxımdan da rəqəmsal iqtisadiyyatın əsas komponenti olan elektron ticarət, elektron idarəetmə, elektron ödəniş, kibertəhlükəsizlik, elektron imza, rəqəmsal həllər və digər istiqamətlərdə görülən innovativ tədbirlər ölkəmizdə yeni bir inkişaf perspektivləri, innovativ biznes ekosisteminin inkişafı, yaradılan məhsul və xidmətlərdən ölkə daxilində həm özəl, həm də dövlət sektoru tərəfindən istifadənin təşviq edilməsi imkanlarını artırır", - o vurğulayıb.

O. Məmmədovun sözlərinə görə, KOBİA da öz növbəsində biznes mühitinin yaxşılaşdırılması, tənzimləmə sisteminin effektivliyinin artırılması, müxtəlif dəstək tədbirlərinin ünvanlılığının və onlara sahibkarların maneəsiz və rahat çıxışının təmin edilməsi istiqamətində işlər aparmaqdadır: "Qeyd etmək istərdim ki, Agentlikdə sahibkarların işini dövlət qurumları və digər sahibkarlarla əlaqələndirəcək, sahibkarlara göstərilən xidmətləri və digər funksiyaları özündə cəmləşdirəcək elektron sistem - “E-KOB evi portalı”nın yaradılması üzərində işlər artıq yekunlaşmaq üzrədir".

Oxşar xəbərlər

Orxan Məmmədov: "Azərbaycanda 182 KOB subyekti “Startap” şəhadətnaməsi alıb"

Bu il Azərbaycanda KOB inkişafı mərkəzlərinin xidmətlərindən faydalanlarının sayı açıqlanıb

Bakıda 12-ci Beynəlxalq “Caspian Energy Forum” işə başlayıb

Bakıda ənənəvi Azərbaycan Mikromaliyyə Konfransı keçirilir

Nazir müşaviri: "Gələn il Azərbaycan rəqəmsal iqtisadi inkişaf strategiyasının icrasına başlayacaq”