Bu ilin yanvar-aprel aylarında Azərbaycan Türkiyədən 3,488 milyon ABŞ dolları dəyərində mədən sənayesi məhsulları idxal edib.

"Report" Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 13,4 % azdır.

Təkcə apreldə isə Türkiyə Azərbaycana 1,134 milyon ABŞ dolları dəyərində mədən sənayesi məhsulları ixrac edib ki, bu da 1 il əvvələ nisbətən 3,5 % çoxdur.

4 ayda Türkiyənin mədən sənayesi məhsulları ixracının ümumi dəyəri illik müqayisədə 21,8 % artaraq 2 243 milyon ABŞ dollarına, apreldə isə 43 % artaraq 678 milyon ABŞ dollarına çatıb.

Türkiyədən ən çox idxalı Çin 672 milyon ABŞ dolları (1 il əvvələ nisbətən 54,6 % çox), ABŞ 176,311 milyon ABŞ dolları (3 % çox) və İspaniya 113,420 milyon ABŞ dolları (14,8 % çox) dəyərində həyata keçirib.

Oxşar xəbərlər

Azərbaycan Türkiyədən elektrik məhsulları idxalı xərcini 53 %-ə yaxın artırıb

Azərbaycan Türkiyədən meyvə-tərəvəz məhsulları idxalına çəkdiyi xərci 8 %-dən çox artıb

Azərbaycan Türkiyədən mədən sənayesi məhsullarının idxalına çəkdiyi xərci təxminən 50 % artırıb