Bakıda Azərbaycan-Özbəkistan Hökumətlərarası Komissiyanın iclası keçirilib

Bu gün Bakıda Azərbaycan ilə Özbəkistan arasında əməkdaşlıq üzrə Birgə Hökumətlərarası Komissiyanın 14-cü iclası keçirilib.

“Sizinxeber.az” xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, Özbəkistanın investisiya, sənaye və ticarət naziri Laziz Kudratovla Azərbaycan və Özbəkistan arasında əməkdaşlıq üzrə Birgə Hökumətlərarası Komissiyanın Bakıda keçirilən 14-cü iclasına həmsədrlik edib.

“Ölkələrimiz arasında iqtisadi-ticarət əlaqələrinin şaxələndirilməsi, sənayenin müxtəlif istiqamətləri, energetika, kənd təsərrüfatı, logistika sahələrində tərəfdaşlığın və qarşılıqlı investisiyaların təşviqi üzrə görülən işləri dəyərləndirdik”, - deyə M.Cabbarov bildirib.

Özbəkistanın investisiya, sənaye və ticarət naziri Laziz Kudratovla #Azərbaycan Respublikası ilə #Özbəkistan Respublikası arasında əməkdaşlıq üzrə Birgə Hökumətlərarası Komissiyanın Bakıda keçirilən 14-cü iclasına həmsədrlik etdik. Ölkələrimiz arasında #iqtisadi-#ticarət… pic.twitter.com/iHfmMV6RhG

— Mikayil Jabbarov (@MikayilJabbarov) June 20, 2025