Avstraliya Hörmüz boğazından keçən dəniz yollarının təhlükəsizliyini təmin etmək üçün Fransa və Böyük Britaniyanın rəhbərlik edəcəyi çoxmillətli müdafiə əməliyyatına qoşulmaq niyyətindədir.

"Report" xəbər verir ki, bu barədə ölkənin müdafiə idarəsinin rəhbəri Riçard Marles bildirib.

"Avstraliya Böyük Britaniya və Fransanın komandanlığı altında olan müstəqil və sırf çoxmillətli müdafiə hərbi əməliyyatını rəsmi olaraq başlandıqdan dərhal sonra dəstəkləməyə hazır olduğunu bildirir", - o vurğulayıb.

Nazir həmçinin dəqiqləşdirib ki, Avstraliya tərəfi missiyada iştirak etmək üçün "Wedgetail E-7A" uzaq mənzilli radiolokasiya aşkarlama və idarəetmə təyyarəsini göndərəcək. Bu radiolokasiya aşkarlama hava kompleksi artıq regiondadır və orada Birləşmiş Ərəb Əmirliklərinin İranın pilotsuz uçuş aparatlarının zərbələrindən hava hücumundan müdafiəsinin təmin edilməsinə cəlb olunub.

Aprel ayında Londonda 44-dən çox dövlətin nümayəndələrinin iştirakı ilə iki günlük müşavirə keçirilib və orada hərbi mütəxəssislər Hörmüz boğazında dəniz gəmiçiliyinin mühafizəsi üzrə Fransa və Britaniya rəhbərliyi altındakı çoxmillətli missiyanın praktiki detallarını işləyib hazırlayıblar. Mövcud məlumata görə, 40-a yaxın ölkə artıq bu əməliyyatda iştirak etməyə razılığını bildirib.

Oxşar xəbərlər

Avstraliya kəşfiyyat təyyarəsinin məlumatlarını ABŞ-yə yalnız müdafiə üçün verdiyini bildirib

Yaponiya Hörmüz boğazında beynəlxalq missiya ilə bağlı danışıqlara qoşulacaq

Britaniya Hörmüz boğazına qırıcı təyyarələr və hərbi gəmi göndərəcək

Kanberra Hörmüzdə Vaşinqtona yalnız sabit atəşkəs olduğu halda kömək edəcək

Yaponiya ABŞ-nin Avstraliyadakı hərbi təlimlərinə qoşulacaq