Birləşmiş Ştatlar Prezidenti Donald Tramp bildirib ki, İran ABŞ-İsrail əməliyyatında məğlub olub, lakin bu, İslam Respublikasında döyüşlərin bitdiyi anlamına gəlmir.

"Sizinxeber.az"un məlumatına görə, o, bu açıqlamanı "Full Measure" verilişində Şaril Atkinsonla müsahibəsində verib.

Jurnalistin İrandakı hərbi əməliyyatların bitdiyini əminliklə söyləməyin mümkün olub-olmadığı sualına ABŞ lideri belə cavab verib: "Xeyr, mən bunu demədim. Dedim ki, məğlub olublar, amma bu, o demək deyil ki, bitdi. Daha iki həftə davam edib, hər hədəfi məhv edə bilərdik. Biz ehtimal ki, hədəflərin təxminən 70 %-ni məhv etmişik".

Tramp həmçinin bildirib ki, ABŞ İranın nüvə obyektlərini kosmosdan izləyir və nə vaxtsa İranın zənginləşdirilmiş uranını "əldə etmək" niyyətindədir:

"Onlar hərbi məğlubiyyətə uğrayıblar. Bunu özləri dərk etməyə bilərlər, amma düşünürəm ki, başa düşürlər, çünki mən onlarla məşğulam. Onların liderləri ölüb, A komandası, B komandası və yəqin ki, C komandası da yoxa çıxıb. Biz İranın zənginləşdirilmiş uranını nə vaxtsa, istədiyimiz vaxt əldə edəcəyik".

Eyni zamanda, Vaşinqton administrasiyasının rəhbəri vurğulayıb ki, nüvə fəaliyyətini bərpa etmək üçün hər hansı cəhd olsa, ABŞ Ordusu bu obyektləri partladacaq.

Oxşar xəbərlər

Tramp: İran dörd həftə ərzində nüvə silahı hazırlaya bilərdi

Tramp: İranın hərbi potensialını bərpa etməsi 20 il çəkə bilər

ABŞ Prezidenti İrana hücumdan sonra xalqa müraciət edib

Tramp İranın nüvə proqramının bərpa olunacağı təqdirdə onu məhv etməklə hədələyib

ABŞ Prezidenti: İranın nüvə silahı olmayacaq