ABŞ-nin vitse-prezidenti Cey Di Vens İranla danışıqların növbəti raundunda iştirak etmək üçün çərşənbə günü İslamabada yola düşəcək.

"Report" xəbər verir ki, bu barədə "Al-Jazeera" telekanalı mənbələrə istinadən məlumat yayıb.

Onun çərşənbə axşamı Pakistan vaxtı ilə axşam saatlarında Vaşinqtondan yola düşməsi və çərşənbə günü səhər və ya günün birinci yarısında Pakistan paytaxtına çatması gözlənilir.

Vens İranla danışıqların ikinci raundunda ABŞ nümayəndə heyətinə rəhbərlik edəcək, danışıqlar ilkin olaraq çərşənbə gününə planlaşdırılıb. Trampın nümayəndələri Stiv Uitkoff və Cared Kuşnerin də Pakistana yollanacağı gözlənilir.

ABŞ-nin bir neçə hərbi təyyarəsi gözlənilən danışıqlar ərəfəsində artıq Pakistana eniş edib.

Telekanalın məlumatına görə, İran nümayəndə heyətinin gəlib-gəlməyəcəyi hələlik bəlli deyil. İran parlamentinin sədri və danışıqlar qrupunun rəhbəri Məhəmməd Bager Qalibaf çərşənbə axşamı Tehranın "təhdid pərdəsi altında danışıqları qəbul etməyəcəyini" bəyan edib ki, bu da ikinci raundun keçirilməsi ehtimalını şübhə altına alır.

Xatırladaq ki, bir sıra xarici medianın məlumatına görə, İran ABŞ ilə İslamabadda danışıqların yeni raundunun keçirilməsinə razılıq verib.

Oxşar xəbərlər

Vensin rəhbərlik etdiyi ABŞ nümayəndə heyəti İranla danışıqlar üçün Pakistana yola düşüb

KİV: İran nümayəndə heyəti ABŞ ilə danışıqlar aparmaq üçün Pakistana gəlib

"Fars": İran və ABŞ nümayəndə heyətləri İslamabada çatıb

İranla danışıqlarda ABŞ-ni Vens, Uitkoff və Kuşner təmsil edəcək

CNN: Vens, Uitkoff və Kuşner İslamabadda İranla əsas müzakirəçilər kimi çıxış edə bilərlər