İranda ABŞ və İsrailin zərbələri nəticəsində 125,6 mindən çox mülki obyekt zədələnib.

"Report" İran mediasına istinadən xəbər verir ki, bunu İran Qızıl Aypara Cəmiyyətinin rəhbəri Pir Hüseyn Kulivənd açıqlayıb.

Onun sözlərinə görə, bu obyektlərdən 100 mini yaşayış binaları olub.

"339 tibb mərkəzi, o cümlədən xəstəxanalar, apteklər, laboratoriyalar və təcili yardım şöbələri də bu hücumların hədəfi olub", - Kulivənd vurğulayıb.

Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.

İran, ABŞ və onların müttəfiqləri 2026-cı il aprelin 8-nə keçən gecə iki həftəlik atəşkəs barədə razılığa gəliblər.

ABŞ və İran arasında münaqişənin nizamlanması üzrə danışıqlar aprelin 11-də Pakistanda aparılacaq.

Oxşar xəbərlər

Xamenei: İran müharibəyə can atmır

İrana qarşı İsrail-ABŞ birgə əməliyyatında 18 mindən çox döyüş sursatı istifadə olunub

Den Keyn: İranda silah zavodlarının 90 %-i məhv edilib

ABŞ və İsrail İranın Natanzdakı atom obyektinə zərbə endirib

Təbriz bombalanıb, "Bəsic"in 13 əməkdaşı öldürülüb