Laçında Azərbaycan və MDB-yə üzv dövlətlərin milli mətbəxlərinin təqdimatı olub

Laçın şəhərində keçirilən “Laçın – MDB ölkələrinin mədəniyyət paytaxtı 2025” çərçivəsində Azərbaycan və MDB üzv dövlətlərin milli mətbəxlərinin təqdimatı olub.

APA-nın Laçına ezam olunmuş müxbiri xəbər verir ki, mədəniyyət naziri Adil Kərimli tədbir çərçivəsində hər bir ölkənin milli pavilyonunu ziyarət edib, təqdim olunan kulinariya nümunələri, tarixən formalaşmış dad palitrası və mətbəx ənənələri ilə tanış olub.

Azərbaycanla yanaşı, Rusiya, Qazaxıstan, Özbəkistan, Qırğızıstan, Belarus, Tacikistan və digər MDB ölkələrinin ənənəvi yeməklərinin nümayiş edildiyi stendləri ziyarət edib.

Qeyd edək ki, stendlərdə Azərbaycanla yanaşı, Rusiya, Qazaxıstan, Özbəkistan, Qırğızıstan, Belarus, Tacikistan və digər MDB ölkələrinin ənənəvi yeməkləri nümayiş etdirilib.