“Yaradıcı birliklərə sədrlik məsələsində yaş amili məhdudiyyət yaratmamalıdır”.

Bunu Sizinxeber.az-ya açıqlamasında mədəniyyət naziri Adil Kərimli deyib.

O bildirib ki, Mədəniyyət Nazirliyi üçün yaradıcı insanlarla ünsiyyətin qurulması vacibdir, lakin sədr seçkisi və yaş amili məsələsi hər bir yaradıcı birliyin daxili işidir: “Yaradıcı ittifaqlarda sənət və təcrübə çox önəmlidir. Buna görə yaradıcı ittifaqlarda yaş məsələsi meyar kimi götürülməməli və həmin qurumlarda təmsil edilən yaradıcı insanlar seçimlərini müstəqil şəkildə edirlər".

Nazir qeyd edib ki, həmin yaradıcı təşkilatlar Azərbaycan mədəniyyətinin dünyada tanıdılmasında böyük rol oynayır: “Biz dövlət olaraq onların bu gücündən istifadə edirik və bundan sonra da istifadə edəcəyik”.

Adil Kərimli dövlətin də yaradıcı təşkilatlara daim dəstək verdiyini vurğulayıb.

İlkin Naib

Oxşar xəbərlər

Leyla Əliyevanın iştirakı ilə Mədəni və Yaradıcı Sənayelərin İnkişafı Mərkəzinin açılışı olub - FOTO

Mədəniyyət Nazirliyi Moskva Kino Həftəsində təmsil olunub

Adil Kərimli: Yuğ Teatrının bina problemi qısa zamanda həll ediləcək

Mədəni və yaradıcı sənayelərin təşviqi üzrə qrant müsabiqəsinin nəticələri açıqlanıb

QHT-lər üçün “Qış məktəbi” təşkil olunacaq