Azərbaycan Respublikasının Mədəniyyət Nazirliyi tərəfindən 4 iyul – 2 avqust 2024-cü il tarixlərində qeyri-hökumət təşkilatları üçün mədəni və yaradıcı sənayelərin təşviqi üzrə qrant müsabiqəsi keçirilib.

Bu barədə Sizinxeber.az-ya Mədəniyyət Nazirliyindən məlumat verilib.

Bildirilib ki, qrant müsabiqəsinə qeyri-hökumət təşkilatları tərəfindən 192 layihə təqdim olunub. Ekspert komissiyası tərəfindən regional əhatəlilik, çoxtərəfli əməkdaşlıq, innovativlik, müxtəliflik və inklüzivlik, davamlılıq prinsiplərinə əsasən layihə təkliflərinin qiymətləndirilməsi həyata keçirilib. Mədəni və yaradıcı sənayelərin kino, animasiya, tətbiqi sənət, musiqi, fotojurnalistika, kitab, rəqəmsallaşdırma və mədəni irs sahələri üzrə seçilmiş 29 layihənin qrant maliyyələşdirilməsi ilə bağlı qərar verilib.

Müsabiqə haqqında ətraflı məlumatla aşağıdakı linkdən tanış ola bilərsiniz:

Mədəni və yaradıcı sənayelərin təşviqi üzrə qrant müsabiqəsinin nəticələri

Oxşar xəbərlər

Mədəniyyət Nazirliyi Moskva Kino Həftəsində təmsil olunub

Təhsildə inkişaf və innovasiyalar üzrə VIII qrant müsabiqəsinin nəticələri açıqlanıb

QHT-lərə Dövlət Dəstəyi Agentliyi yaxın günlərdə 2025-ci ilin qrant müsabiqələrini elan edəcək