2024-cü ilin yayında böyük maraqla qarşılanan “Təbəssüm üçün musiqi” layihəsi bu dəfə Yeni il ərəfəsində Bakı şəhərinin mərkəzində yenidən həyata keçiriləcək.

Bu barədə APA-ya Mədəniyyət Nazirliyindən məlumat verilib.

Bildirilib ki, layihə Azərbaycan Respublikasının Mədəniyyət Nazirliyi və Bakı Şəhər İcra Hakimiyyətinin birgə təşkilatçılığı ilə baş tutacaq.

Layihə çərçivəsində dekabrın 25-dən etibarən Yeni il bayramına qədər Bakı şəhərində, əhalinin sıx olduğu məkanlarda uşaq musiqi və incəsənət məktəblərinin istedadlı gəncləri kiçik konsert proqramları ilə çıxış edərək şəhər sakinlərinə və qonaqlara bayram əhval-ruhiyyəsi bəxş edəcəklər. Bu layihə Yeni il bayramının ab-havasını artırmaqla yanaşı, gənc musiqiçilərin bacarıqlarını nümayiş etdirməsi və musiqi mədəniyyətinin genişləndirilməsi məqsədini daşıyır. Hər kəs üçün açıq olan bu tədbirlər həm sakinlərə, həm də şəhərimizin qonaqlarına xoş xatirələr bəxş edəcəyinə inanırıq.

Beləliklə bayram günlərində şəhərin mərkəzi küçə və meydanlarında sizi gözəl ifalar gözləyir !

Oxşar xəbərlər

"Musiqi kimliyimiz" layihəsi Aşıq Molla Cüməyə həsr olunacaq

Gəncə Dövlət Filarmoniyası "Musiqinin gücü" layihəsini təqdim edəcək - VİDEO

Gəncə Dövlət Filarmoniyasında "Bakıdan Gəncəyə" klassik musiqi gecəsi keçirilib

Nazir müavini: Milli Musiqi Günü ilə bağlı bir sıra xarici ölkələrdə tədbir keçiriləcək

Üzeyir Hacıbəyli XVI Beynəlxalq Musiqi Festivalı keçiriləcək