Fikrət Əmirov adına Gəncə Dövlət Filarmoniyasında "Bakıdan Gəncəyə" layihəsi təqdim olunub.

Bu barədə APA-ya Mədəniyyət Nazirliyindən məlumat verilib.

Bildirilib ki, layihə Azərbaycan Respublikası Mədəniyyət Nazirliyinin təşkilatçılığı ilə keçirilən Üzeyir Hacıbəyli XVI Beynəlxalq Musiqi Festivalı çərçivəsində həyata keçirilib.

Gəncə Dövlət Filarmoniyası və Azərbaycan Dövlət Akademik Opera və Balet Teatrının birgə təşkilatçılığı ilə baş tutan klassik musiqi gecəsində Xalq artisti Sevinc İbrahimova, Əməkdar artist Kəmalə Tağızadə, filarmoniyanin solistləri Rüstəm Cəfərov, Elmir Pişnamazzadə, Vasif Bayramov, Opera və Balet Teatrının solisti Günel Hacıyeva çıxış ediblər. Gecədə Üzeyir Hacıbəylinin "Koroğlu" operasından Nigarın ariyası, Həsən xanın ariyası, "Arşın mal alan" operettasından Gülçöhrənin ariyası, Əsgərin mahnısı, Niyazinin "Arzu" romansı, Ş.F.Qunonun "Faust" operasından Mefistofelin kupletleri səsləndirilib.

Oxşar xəbərlər

Gəncədə "Bakıdan Gəncəyə" layihəsi çərçivəsində klassik musiqi gecəsi keçiriləcək

Gəncə Dövlət Filarmoniyasinda "Musiqinin gücü" layihəsi Milli Musiqi Gününə həsr olunub - FOTO

Gəncə Dövlət Filarmoniyasında "Ruhun qidası" adlı konsert proqramı baş tutub

Gəncə Dövlət Filarmoniyası Bakıda konsert proqramı ilə çıxış edib

"Nizami" operası Gəncədə nümayiş edilib - FOTO